Bulletin of Toraighyrov University Philology series, 2022, № 1.2022, с. 39-46
ЖАРНАМА ТІЛІНІҢ ЗЕРТТЕЛУІ
Аннотация · Abstract
Мақалада жарнама тілінің зерттелуі қарастырылған. Коммерциялық коммуникацияда жарнаманың ерекше орын алатыны белгілі. Заман ағымына байланысты онлайн не офлайн бизнесіңді өркендету үшін тұтынушылармен дұрыс коммуникацияға түсу қажет. Ұсынып отырған қызметіңді дұрыс жарнамалап, сапасын, артықшылықтарын жеткізе білуің маңызды. Осы арада тұтынушылармен коммуникацияны дұрыс орнату, тауарыңды немесе инфобизнесте өзіңді дұрыс сата білу деген мәселе туындайды. Сондықтан ғылыми мақалада қоғамдық өмірде ерекше рөл атқаратын жарнама мәтінінің түрлі аспектіде зерттелу қызметін саралау мақсаты қойылған. Бұндай мақсат өз кезегінде болашақ зерттеулердің бағыты мен өзектілігін айқындайтыны анық. Мақаланың ғылыми зерттеу нысаны ретінде жарнама тілі мен қызметі туралы жазылған зерттеулер алынған. Жарнаманың беделі оның қоғам дамуының басты қозғаушы күші болып табылатын бизнестің мүдделеріне қызмет ететіндігімен байланысты анықталады. Бизнес пен сауданың дамыған заманында өмір сүріп отырғандықтан, жарнаманың теориясы мен практикасына, экспрессивті–бейнелеу құралдары мен технологияларын зерттеуге көбірек көңіл бөліну қажет. Мақалада жарнаманың адамдардың ойлау тәсіліне әсер етіп, құндылық басымдықтарын қалыптастыратындығы, жарнаманың біртіндеп ақпараттылық белгілерін жоғалтып, прагматикалық, манипуляциялық қызмет атқаратындығы, сол арқылы санамыз бен түпсанамызға әсер ететіндігі туралы ғылыми зерттеулер сараланып, жарнама тілін не үшін зерттеу қажеттілігі туралы қорытынды жасалады.
Сведения · Details
- DOI 10.48081/axdc1708
- Журнал · Journal Bulletin of Toraighyrov University Philology series
- Язык · Language казахский
- Цитирования (Crossref) · Citations 0