Central Asian Research Index

Yassawi Journal of Philology, 2026, т. 3, № 3, с. 37-51

мақала Жастар тілінің лексикасы: қызметі және әдеби тілге ықпалы

Н.К. АЙТБАЕВА, Ф.Т. САМЕТОВА, A.O. ЖАКУПОВА

Аннотация · Abstract

Мақалада қазіргі жастар тілінің лексикасы, оның қызметі және әдеби тілге ықпалы жан-жақты қарастырылады. Қазіргі жаһандану және цифрландыру жағдайында тілдің дамуы қарқынды өзгерістерге ұшырап, әсіресе жастардың сөйлеу тілі жаңа лексикалық бірліктермен толықтырылып отыр. Зерттеу барысында жастар сленгінің әлеуметтік-тілдік құбылыс ретіндегі табиғаты, оның пайда болу себептері, қолданылу аясы және функционалдық ерекшеліктері талданды. Сонымен қатар, сленгтің жаргон және арго сияқты тілдік қабаттармен байланысы мен айырмашылықтары қарастырылды.Мақалада жастар сленгінің коммуникативтік, экспрессивтік, реттеуші, дүниетанымдық және «шифрлау» қызметтері нақты мысалдар арқылы сипатталған. Жүргізілген эмпирикалық зерттеу нәтижесінде студенттер арасында сленгтің кең таралғаны, оның негізінен бейресми ортада, әлеуметтік желілерде және достар арасындағы қарым-қатынаста жиі қолданылатыны анықталды. Сондай-ақ сленгтің таралуына интернет, бұқаралық мәдениет және цифрлық коммуникацияның әсері зор екені дәлелденді.Зерттеу нәтижелері жастар сленгінің тек тілдік құбылыс емес, сонымен қатар әлеуметтік-психологиялық және мәдени факторлардың көрінісі екенін көрсетеді. Ол бір жағынан тілдің дамуына, лексикалық қордың баюына ықпал етсе, екінші жағынан әдеби тіл нормаларына белгілі бір деңгейде әсер етеді. Мақалада жастар сленгінің динамикалық сипаты, оның тез өзгеруі және жаңарып отыруы тілдің табиғи эволюциясымен байланыста қарастырылады.

Сведения · Details