Foreign Languages in Uzbekistan, 2025
INGLIZ VA OʻZBEK OSHXONA ANJOMLARI NOMLARINING BOSHQA SOʻZLAR BILAN OMONIMIK MUNOSABATLARI
Аннотация · Abstract
Maqola ingliz va oʻzbek tillarida oshxona anjomlari nomlari asosida yuzaga keladigan omonimik munosabatlarning chogʻishtirma tahliliga bagʻishlangan. Ilmiy ishda uy-roʻzgʻor buyumlari va oshxona anjomlarini ifodalovchi leksik birliklarning shaklan butunlay boshqa maʼnoga ega boʻlgan boshqa soʻzlar bilan mos kelishi oʻrganilgan. Omonimlarning toʻliq, qisman va grammatik turlari koʻrib chiqilgan va tasniflangan. Oʻrganilayotgan soʻzlarning semantik tahliliga alohida eʼtibor qaratilgan. Omonimiyaning paydo boʻlish sabablarini (tasodifiy tovush mosligi, tildagi tarixiy oʻzgarishlar, soʻz oʻzlashtirish jarayoni) aniqlangan. Ingliz va oʻzbek oshxona anjomlari nomlari boshqa soʻzlar bilan omonimik munosabatga kirishganda soʻz turkumlari boʻyicha qanday omonimik modellarni tashkil etishi aniq misollar yordamida tahlil qilingan. Ingliz tili misolida bir oshxona anjomlari nomlarining inson tana aʼzosi, sport oʻyini, daraxt nomlari bilan, oʻzbek tilida tabiat hodisasi, tibbiyotga doir tushuncha, musiqa asbobi, hayvon nomlari kabi tushunchani anglatishi mumkin boʻlgan holatlar koʻrsatib oʻtilgan. Ingliz tilida, oʻzbek tilidan farqli oʻlaroq, omonimik juftliklarning soʻzning hech qanday oʻzgarishsiz bir soʻz turkumidan ikkinchi soʻz turkumiga oʻtish yoʻli bilan hosil boʻlishi dalillangan. Maqolada maishiy leksikaning asosiy qismi boʻlgan oshxona anjomlari sohasida omonimiyani oʻrganish nafaqat nazariy, balki amaliy ahamiyatga ham egaligi taʼkidlangan. Olingan natijalar lekskologiya, leksikografiya, xorijiy tillarni oʻqitish, shuningdek, xalqlarning madaniy va til xususiyatlarini chuqurroq tushunish uchun foydali boʻlishi mumkin.
Сведения · Details
- DOI 10.36078/1762271406
- Журнал · Journal Foreign Languages in Uzbekistan
- Язык · Language узбекский
- Цитирования (Crossref) · Citations 0