Central AsianResearch Index

Sport shikastlanishlari va kasb kasalliklari dinamikasi haqida tezkor axborot yig‘ish tizimining sportda mehnat muhofazasini tashkil etishdagi o‘rni

Shovkiddin Narziyev, Shovkiddin Narziyev, Шавкиддин Нарзиев

Maqolada sport shikastlanishlari va kasb kasalliklari dinamikasi haqida tezkor axborot yig‘ish tizimining tuzilmaviy modeli hamda uning sportda mehnat muhofazasini tashkil etish va boshqarishdagi o‘rni yoritilgan. Tadqiqotda statistik va qiyosiy-tahliliy yondashuvlardan foydalanildi. Sportchilarning mashg‘ulot va musobaqalar davomidagi jarohatlanish chastotasi, og‘irligi va xavflilik koeffitsiyentlari hisoblandi hamda turli sport turlariga xos xavf omillari, jarohatlanish sabablari va ularning dinamikasi tahlil qilindi. Tadqiqot natijasida sport shikastlanishlari va kasb kasalliklari haqidagi ma’lumotlarni tezkor yig‘ish, qayd etish va tahlil qilish tizimining tuzilmaviy modeli ishlab chiqildi. 9 ta sport turi bo‘yicha jarohatlanish chastotasi, og‘irligi va xavflilik koeffitsiyentlari baholanib, boks eng yuqori xavflilik ko‘rsatkichiga ega ekanligi aniqlandi. Taklif etilgan tizim jarohatlanish dinamikasini kuzatish, xavf omillarini o‘z vaqtida aniqlash, sport turlarini o‘zaro taqqoslash va profilaktik choralarni ishlab chiqish imkonini beradi. Natijada sport tashkilotlarida mehnat muhofazasini boshqarish, sportchilar salomatligini nazorat qilish va asoslangan tezkor qarorlar qabul qilish samaradorligi oshadi. Bu o‘z navbatida mehnat muhofazasini tashkil etish va boshqarishni takomillashtirishga xizmat qiladi.

Сведения

Опубликовано
2026 · Т. 2, № 2, С. 14-21
Язык
Узбекский
Издатель
ТИҚХММИ Миллий тадқиқот университети