Central AsianResearch Index

ҚАЗАҚСТАН РЕСПУБЛИКАСЫНЫҢ АГРАРЛЫҚ САЛАСЫНА ЦИФРЛЫҚ ТЕХНОЛОГИЯЛАРДЫ ЕНГІЗУ ТИІМДІЛІГІН БАҒАЛАУДЫҢ НЕГІЗГІ БАҒЫТТАРЫ

Мақалада цифрлы экономика дәуірінде ауылшаруашылық өндірісін цифрландыру қажеттілігі ауылшаруашылығы өндірісінің бәсекелестік қабілетілігін көтеріп қана қоймай, сондай-ақ, еңбек өнімділігінің де біршама артуына негіз болатыны қарастырылған. Геоақпараттық технологияларға сүйене отырып, ақпараттық жүйелер арқылы, ауыл шаруашылығы өндірісін басқару персонал немесе техника жетіспеген жағдайда тоқтап қалуды қысқартуға немесе толығымен алып тастауға, өндірістің тиімділігін көтеруге, өңделетін алаңның бірлігіне қолданылатын агротехникалық операциялардың шығындарын азайтып, өнімділік көрсеткіштерін жақсартуға мүмкіндік береді. Зерттеу бағыты бойынша Шығыс Қазақстан облысы мысалында цифрлық технологияларды енгізген ауыл шаруашылық кәсіпорындары қызмет нәтижелігі қарастырылып, цифрлық технологиялардың экономикалық тиімділігіне бағалау жасалынды. Статистикалық көрсеткіштер болжамы бойынша 2025 жылға қарай цифрландырудың ықпалынан ҚР-да ауыл шаруашылығы өндірісі өнімдері 1,5 есеге дейін өсуі мүмкін, сонымен қоса өнімдердің сапасы халықаралық стандарт талаптарына сай өндіріліп, ауыл шаруашылығы өндірісінің еңбек сыйымдылығы 1,5 есе азаяды. Цифрландыру арқылы өнімнің өзіндік құны мен бағасын төмендетіп, энергия шығыны мен материал сыйымдылығын және ауыл шаруашылығы техникасының, оның аппараттық және бағдарламалық қамтамасыз етуінің импортқа тәуелділігін төмендетуге болады. Ауыл шаруашылығы өндірісінде кең түрде автоматтандыру, роботтандыру, зияткерлік машина технологияларын дамытуға болады.

Сведения

Опубликовано
2022 · № 6, С. 374-388
Язык
Казахский
ISSN
1991-3494 · 2518-1467
Издатель
Central Asian Academic Research Center LLP