Central AsianResearch Index

ҰНДЫ КОНДИТЕР ӨНДІРІСІНДЕ ДӘСТҮРЛІ ЕМЕС ШИКІЗАТТАРДЫ ҚОЛДАНУДЫҢ ТИІМДІЛІГІ

Қазіргі таңда тағам өндірісі, соның ішінде кондитерлік өнімдер, инновациялық технологиялардың ең көп таралған объектілері болып табылады. Кондитер өндірісі-тамақ өнеркәсібінің ең тұрақты салаларының бірі. Оларды тағамдық құндылығы жоғары өнімдермен байыту үшін, дәстүрлі емес шикізаттарды пайдаланады. Тамақтану элементтерінің ішінде адам ағзасының өз ақуыздарын синтездеуге қажетті аминқышқылдарының көзі болып табылатын белоктар маңызды рөл атқарады. Ақуыздар-бұл барлық мүшелерді, гормондарды, ас қорыту шырындарын, ферменттерді және т.б. құрайтын пластикалық материал. Диеталық тамақтануда талшықтар да маңызды. Олардың тамақтанудағы рөлі әртүрлі: олар жалған қанықтыру әсерін жасайды, асқазан қабырғасына әсер етеді. Ішектен өткен кезде диеталық талшықтар адсорбциялық қасиеттерді көрсетіп, суды сақтай алатын кесек түзеді, нәтижесінде токсиндердің, ауыр металдардың тұздарының, бактериялардың, вирустардың концентрациясы төмендейді, ішек қабырғасының рецепторлары тітіркенеді, ішек транзиті жеделдейді [1-3]. Мақалада дәстүрлі емес шикізат ретінде: қант қызылша ұнтағы, жасымық ұны алынды. Созылмалы печеньенің жаңа түрі мен жасалу технологиясы құрастырылды. Зерттеу барысында дәстүрлі емес шикізаттардың созылмалы печеньенің органолептикалық көрсеткіштеріне әсер етуі анықталып, сапасы стандарттық талаптарға сай жасымық ұнының 10%-ы қосылған созылмалы печенье нұсқасы таңдалды.

Сведения

Опубликовано
2021 · Т. 447, № 3, С. 24-31
Язык
Казахский
ISSN
2224-5286 · 2518-1491
Издатель
Central Asian Academic Research Center LLP