Central Asian Research Index

Bulletin of the Karaganda University Pedagogy series, 2025, т. 12030, № 4, с. 72-81

Өзін-өзі реттеу болашақ педагогтардың психологиялық денсаулығын қалыптастырудың негізгі әдісі ретінде

Н. Кулдашева, М. Читиль, П. Сейтқазы, К. Кажимова

Аннотация · Abstract

Мақала өзін-өзі реттеу арқылы болашақ педагогтардың психологиялық денсаулығын қалыптастыру тақырыбына арналған. Болашақ педагогтардың психологиялық денсаулығын қалыптастырудың заманауи тәсілдерін талдауға және психологиялық жағдайды қалыптастыру құралы ретінде өзін-өзі реттеудің негізгі аспектілерін анықтауға баса назар аударылады. Авторлар гуманистік көзқарас, өзін-өзі тану, психологиялық тұрақтылық сияқты шетелдік және отандық ғалымдардың тұжырымдамаларына сүйенеді. Зерттеуге педагогика және психология мамандығының 30 студенті қатысты. Психосемантикалық тәсілге негізделген А.В. Козлов әзірлеген «Психологиялық денсаулықтың жеке моделі» әдісі қолданылды. Зерттеу нәтижелері студенттердің көпшілігінде психологиялық денсаулықтың әртүрлі салаларында дамудың орташа және жоғары деңгейлері бар екенін көрсетті. Білім беру үдерісіне өзін-өзі реттеудің әдістемелік тәсілдерін әзірлеу және енгізу қажеттілігіне ерекше назар аударылады. Сыни ойлауды, эмоционалды өзін-өзі реттеуді, қарым- қатынас дағдыларын және шығармашылық көріністі дамытуға арналған әдістер ұсынылған. Мақала осы әдістерді кәсіби міндеттерді тиімді шешуге және студенттердің психологиялық денсаулығын қалыптастыруға қабілетті білікті оқытушыларды даярлау үшін білім беру бағдарламасына енгізудің маңыздылығын көрсетеді. Зерттеу педагогикалық білім беру саласындағы мамандарға, психологтарға, әдіскерлерге, ЖОО оқытушыларына, педагогикалық мамандықтар студенттеріне, сондай-ақ білім беру саласындағы психологиялық денсаулықты қалыптастыру мәселелеріне қызығушылық танытқандарға арналған.

Сведения · Details