Central AsianResearch Index

Сыни ойлау технологиясы бастауыш сынып оқушыларының тілдік дағдыларын қалыптастырудың құралы ретінде

Мақалада сыни ойлау технологиясы бастауыш сынып оқушыларының тілдік дағдыларын қалыптастырудың құралы ретінде қарастырылған. Тілдік дағдыларды қалыптастыру оқушының академиялық дамуы үшін маңызды. Оқушының тілдік дағдыларын сауатты тұрғыда қалыптастыру бүгінгі таңда өзекті зерттеу. Бұл оқушының жеке дамуына, ақпаратты еркін талдауына, қарымқатынас орнатуға, қатынас барысында өз ойын сауатты және мәдениетті жеткізуге, пайымдауға, сөздік қорын байытуға мүмкіндік береді. Тілдік дағды — оқылым, тыңдалым, айтылым, жазылым атты төрт дағды негізінде қалыптасады. Яғни, функционалды сауаттылықтың қалыптасуына негіз болады, оның тілдік бірліктерді дұрыс қолдана білуіне, сөздің мағынасын және қолданылу аясын түсінуге, сөйлеудің этикасын меңгеруіне мән беріледі. Зерттеудің мақсаты — сыни ойлау технологиясын бастауыш сынып оқушыларының тілдік дағдыларын қалыптастырудағы құралы ретінде негіздеу. Зерттеу барысында сыни ойлау тұрғысынан бастауыш сынып оқушыларының тілдік дағдыларын қалыптастырудың компоненттері мен өлшемдері, көрсеткіштері анықталды. Зерттеуге Шымкент қаласындағы екі мектептің бастауыш сынып оқушылары қатысты. Тәжірибелік-эксперменттік жұмыстың үш кезеңі іске асырылды. Анықтау кезеңінде Р.С. Немовтың диагностикалық әдістемесі мен авторлық тапсырманың көмегімен оқушылардың тілдік дағдыларының деңгейі мен сөздің қорының белсенділігі анықталды. Қалыптастыру кезеңі сыни ойлау технологиясы арқылы оқушылардың тілдік дағдыларын қалыптастыруға бағытталған тапсырмаларды ұсыну арқылы жүзеге асырылды. Бақылау кезеңінде нәтижелер салыстырмалы түрде салыстырылып, тілдік дағдыларды қалыптастыруға бағытталған тапсырмалардың тиімділігі дәлелденді.

Сведения

Опубликовано
2025 · Т. 12030, № 4, С. 208-217
Язык
Казахский
Цитирований
1
ISSN
2518-7937 · 2663-516X
Издатель
Buketov Karaganda State University